राधिका भुसाल
प्यूठान
स्वर्गद्वारी नगरपालिका ४ स्थायी घर भएका खेमबहादुर रावलले ८० वर्षको उमेरमा नेपाली नागरिकता पाएका छन् । उनले माण्डवी गाउँपालिका ३ जस्पुरमा रहेको इलाका प्रशासन कार्यालयबाट बुधवार नागरिकता पाएका हुन् ।
वि.स. २००१ बैशाख १५ गते जन्मिएका उनले १६ वर्षमै नागरिकता प्राप्त गर्नुपर्ने भएता पनि रावल लामो समयदेखि भारतमा बस्दै आएको हुँदा नागरिकताबारे थाहा नपाएर इलाका प्रशासन कार्यालयले जनाएको छ । हाल छोराहरुले नेपाल आएर विवाह गरेपछि विहे दर्ताको लागि आवश्यक परेपछि छोरा बुहारीसँगै दाजुभाइको साथमा वृद्ध रावलको नागरिकता बनाउन कार्यालय आएको इलाका प्रशासन जस्पुरमा कार्यरत पदम खनालले जानकारी दिए ।
