नवीन लोचन मगर/रोल्पा । रोल्पाको तालाबाङमा जिप दुर्घटना हुँदा एक नाबालक बच्चासहित सात जनाको ज्यान गएको छ। पाँच जनाको घटनास्थलमै र दुई जनाको अस्पतालमा गरी मृत्यु भएको प्रहरीले जनाएको छ दुर्घटनामा चारजना गम्भीर घाइते भएका छन् ।
मृत्यु हुनेहरूमा माडी गाउँपालिका ३ कि ३३ वर्षीया जुनुमाया डागी , सोही स्थानकै ७७ वर्षीय खडक बहादुर डागी , अमृता घर्तीकि १८ महिनाको छोरी , परिवर्तन गाउँपालिका २ क्क ३३ वर्षकि रामकली पुनको घटनास्थलमै मृत्युु भएको छ भने परिवर्तन २ का ७० वर्षीय झुपलाल डागि र पहिचान नखुलेको एक जनाको रेउघा अस्पतालमा मृत्यु भएको प्रहरीले जनाएको छ।
दुर्घटनामा चालक परिवर्तन गापा २ का दिपक थापा सहित माडी ३ का ६० वर्षीय कर्मा बुढा मगर, सोही ठाउकै ४१ वर्षीया खगेन्द्र बाठा, १३ वर्षीया प्रतिभा बुढा, गंगादेब गापा ७ का ५० वर्षीय नैन सिंह पुन र माडी ३ कि ४० वर्षीया दिलकुमारी बुढा मगर घाईते भएका छन।
माडी गाउँपालिकाको घर्तीगाउँबाट वडा नं. ४ तालाबाङतर्फ जाँदै गरेको लु १ ज ३२५२ नम्बरको जिप सोमबार बेलुका करिब ६ बजेतिर परेवा छहरा भन्ने ठाउँमा दुर्घटना भएको प्रहरीले जनाएको छ ।
रोल्पा जलजला यातायात प्रालिबाट सञ्चालित उक्त जिप सडकबाट करिब चारसय मिटर तल पुगेको जिल्ला प्रहरी कार्यालय रोल्पाका प्रहरी नायब उपरीक्षक भरत लामाले जानकारी दिए।जिपमा ११ जना सवार रहेका थिए।
