रामकुमार श्रेष्ठ/ नवलपुर । पूर्वपश्चिम राजमार्गको नवलपुरको दाउन्ने सडक खण्ड अवरुद्ध भएको छ ।
बाटो हिलोको कारण सवारी साधन सञ्चालनमा कठिनाई भएको छ । सडक एकतर्फी मात्र सञ्चालनमा रहेको जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलले बताए ।
दाउन्नेको घिउ खोलादेखि डेढ किलो मिटर पश्चिममा माटो चिल्लो भएको कारण बाटो अवरुद्ध भएको हो । मुस्किलले एकतर्फी सञ्चालनमा रहेको स्थानीयले जनाएका छन् ।
त्यसैगरी दाउन्नमै ५ स्थानमा कल्भर्ड निर्माण अलपत्र रहेका कारण ति ५ स्थानमा सधैं एकतर्फी मात्र यातायात सञ्चालनमा रहेको छ ।
