सैनामैना । सिटिजन्स बैंक ईन्टरनेशनल लिमिटेडको रानिबगिया शाखा रुपन्देहीले विद्यालयलाई ८० थान कुर्सी दिएको छ ।
सैनामैनाको रानिबगियास्थित सैनामैना पर्र्रोहा परमेश्वर माध्यमिक विद्यालयलाई शुक्रबार एक कार्यक्रमका बीच कुर्सी हस्तान्तरण गरेको हो ।
सो अवसरमा बोल्दै बैंकका शाखा प्रबन्धक कृष्ण प्रसाद पन्थीले बैंकको संस्थागत सामजिक उत्तरदायित्व अन्तर्गत विद्यालयलाई कुर्सी प्रदान गरिएको बताए ।
आगामी दिनमा पनि बैंकको रानिबगिया शाखाले सामाजिक उत्तरदायित्वका कामलाई निरन्तरता दिने बताए ।
विद्यालयका प्रधानाध्यापक नेत्रलाल पुरी, सहायक प्रधानाध्यापक यमानन्द शर्मा चालिसेले बैंकले स्कुललाई गरेको सहयोगप्रति धन्यवाद दिएका थिए ।
अन्तराष्ट्रिय गुणस्तरण प्रमाणपत्र पाएको उक्त विद्यालयमा २५ सय बढी विद्यार्थी अध्ययनरत रहेका छन् ।
बैंकको १९७ वटा शाखाहरु संचालनमा आएका छन् । जसअनुसार कोशी प्रदेशमा २७, मधेश प्रदेशमा २९, बागमती प्रदेशमा ५४, गण्डकी प्रदेशमा १५, लुम्बिनी प्रदेशमा ५१, कर्णाली प्रदेशमा ११ र सुदूरपश्चिम प्रदेशमा १० वटा शाखा पुगेका छन् ।
