कपिलवस्तु । कपिलवस्तुको महाराजगन्ज नगरपालिका वडा नं ३ जमुनी गाउँको कुलाेमा एक पुरुषको शव फेला परेको छ ।
जिल्ला प्रहरी कार्यालय कपिलवस्तुकाका प्रहरी उपरीक्षक नवरत्न पौडेलका अनुसार सो शव जिल्लाको बुद्धभूमी नगरपालिका वडा नं १० बस्ने प्रभु रैदास रहेको छ ।
उक्त घटनाको बारेमा थप अनुसन्धान भैरहेको प्रहरी उपरीक्षक पौडेलले जानकारी दिए । शव पानीमा डुबेको देखेपछि स्थानीयले प्रहरीलाई खबर गरेका थिए ।
शवलाई शव पोष्टमर्टमकाे लागि जिल्ला अस्पताल ताैलिहवा पठाइएको इलाका प्रहरी कार्यालय महाराजगन्जका प्रमुख प्रहरी नयाव निरीक्षक रेशम रिजालले बताए ।
