प्यूठान । सञ्चारिक समुह प्यूठानको प्रथम भेला प्यूठान नगरपालिका ४ जुम्रीमा सम्पन्न भएको छ । भेलाले दैनिक लुम्बिनीकर्मी राधिका भुसालको नेतृत्वमा ९ सदस्यीय समिति चयन गरेको हो ।
पत्रकार महिलाहरुलाई संगठित गर्ने उदेश्यका साथ भेला भई सर्वसम्मत रुपमा पदाधिकारी चयन गरिएको थियो । जसको सचिवमा सिता वि.क र कोषाध्यक्ष स्मृति घर्तीमगर रहेका छन् भने पदाधिकारी सदस्यहरुमा सिर्जना सेन, भिमकला कुवंर (प्रतिभा), शुसीला बुढामगर, बबिता रिजाल र गोमा बस्नेत रहेका छन् ।
साथै सल्लाहकारमा दिपा घर्ती र शिवा रेग्मी चयन भएका छन् । उपाध्यक्ष पदमा पूणर् बैठकले अनुमोदन गरेसंगै सञ्चारिका समुह प्यूठान शाखाले पूणर्ता पाउने छ ।
भेलामा सञ्चारिका समुह लुम्बीनी प्रदेशका अध्यक्ष अमृता अनमोल र कोषाध्य उशा किरण पन्तको आतिथ्यता रहेको थियो । भेलालाई सम्बोधन गर्दै अध्यक्षले अनमोलले पत्रकारिता क्षेत्रमा महिला उपस्थिति कमजोर बन्दै गएको विश्लेषण गरेकी थिइन ।
सामान्य समाचार लेखेर मात्रै जिविको पार्जन गर्न नसकिने बताउदैं पत्रकारितासंगै कार्यक्रम तथा सुचना संकलनमा समेत प्रतिश्पर्धा गर्नु पर्ने बताइन् ।
नेपाल पत्रकार महासंघको शुद्धिकरणले विभिन्न कारण देखाई पत्रकार महिला सहभागितालाई झनै कमजोर बनाउन खोजेको अध्यक्ष अमृताले गुनासो पोखिन । अध्यक्ष भुसाल दैनिक लुम्बिनीको प्युठान संवाददाता हुन भने नेपाल पत्रकार महासंघको जिल्ला शाखा उपाध्यक्ष समेत हुन् ।
