रामकुमार श्रेष्ठ - नवलपरासी । नवलपुरकाे विनयी त्रिवेणी गाउँपालिका ७ त्रिवेणी ब्यारेज पुल स्थित गण्डक नहरमा दुई जनाकाे शव फेला परेकाे छ ।
नहरमा १ जना घाेप्टाे परेकाे अवस्थामा र एक जना उत्तानाे परेकाे अवस्थामा पुरूष जस्ताे देखिने २ वटा शव फेला परेकाे जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पाैडेलका अनुसार शव निकाल्ने प्रयास भई रहेकाे छ ।
उक्त शव सिमल तालमा भएकाे बस दुर्घटनाका यात्रु भएकाे हुन सक्ने अनुमान गरिएकाे छ । यश अघि हिजाे भेटिएका ३ वटा शव र आज भेटिएका २ वटा शवकाे सनाखत भएकाे छ ।
राप्ती र नारायणी नदीकाे दाेभान गाेलाघाट र गैडाकाेटकाे थुम्सी र गैरीमा ३ वटा शव भेटिएकाे थियाे । नवलपुर र पश्चिम नवलपरासीमा दुर्घटनामा परेका यात्रुहरू भेटिन सक्ने भएकाेले प्रहरीले खाेजी कार्य जारी राखेकाे छ ।
