रामकुमार श्रेष्ठ / नवलपुर । पूर्वपश्चिम राजमार्गको नवलपुरको मध्यविन्दु नगरपालिका ७ मा बा. प्र. ०३–००१ ख १४२० नम्बरको ट्रक गएराति दुर्घटना हुँदा ट्रकमा सवार ३ जना घाइते भएका छन् ।
जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलका अनुसार रुपन्देहीबाट कागज लोड गरेर काठमाडौंको लागि हिडेको ट्रक सडक देखि १० मिटर तल खसेको थियो ।
दुर्घटनामा परी ट्रक चालक धादिङ जिल्लाको निलकण्ठ नगरपालिका ४ निवासी २६ बर्षीय अमृत ढुंगाना, निजकी श्रीमती २० बर्षीय कल्पना ढुंगाना र ट्रक सहचालक नवलपरासीको बर्दघाट नगरपालिका ४ निवासी २६ बर्षीय बसन्त घर्ती मगर घाइते भएका छन् ।
घाइते मध्ये चालक र सह चालक मध्यविन्दु जिल्ला अस्पतालमा उपचार पश्चात डिस्चार्ज भएका छन् भने कल्पना ढुंगानालाई थप उपचारको लागि ट्रमा सेनटर काठमाडौं रिफर गरिएको छ ।
