बेइजिङ। दक्षिणपश्चिम चीनमा गएको पहिरोका कारण राजमार्गको पुल भत्किँदा कम्तीमा पाँचजना बेपत्ता भएको अधिकारीहरूले शनिवार बताएका छन् ।
सिचुआन प्रान्तको स्थानीय सरकारले काङ्गडिङ र लुडिङबीको राजमार्गमा दुईवटा सुरङ्ग जोड्ने पुल पहिरोका कारण भत्केको बताइएको छ ।
बिहान ११ बजेसम्म ६ जना सवार तीनवटा गाडी सडकबाट खसेको अधिकारीहरूले पुष्टि गरेका थिए । जसमध्ये एक व्यक्तिको उद्धार गरिएको छ । पाँच भने बेपत्ता छन् ।
गत महिना उत्तरी साङ्सी प्रान्तको राजमार्गमा पुल खस्दा ज्यान गुमाउनेको सङ्ख्या १२ बाट बढेर ३८ पुगेको र २४ जना अझै बेपत्ता रहेको सरकारी सञ्चारमाध्यमले शुक्रवार जनाएको थियो ।
