बुटवल । भूकम्प पीडित अस्थायी टहरामा पहिराे खसेकाे छ । आइतबादेखि परेकाे बर्षाका कारण जाजरकोटमा आएकाे उक्त पहिराेमा परी तीन जनाकाे मृत्युु भएकाे छ ।
जिल्लाकाे नलगाड नगरपालिका-२, काे माझगाउँमा भूकम्पका कारण निर्मित अस्थायी टहरा पहिरोले पुर्दा एकै परिवारका तीन जनाको मृत्यु भएको जिल्ला प्रहरी कार्यालय जाजरकाेटका प्रमुख प्रहरी नायव उपरीक्षक पुरुषाेत्म प्रसाद पाण्डेले जानकारी दिए ।
मृत्यु हुनेमा बाबु ४२ वर्षीय लालबहादुर परियार, आमा ३४ वर्षीया मनिसा परियार र २ वर्षका छोरा शिभम परियार रहेका छन् ।
घटना गएराति २ बजेकाे हुन सक्ने प्रहरीले जनएकाे छ ।
