भैरहवा । सिद्धार्थनगरका मेयर ईस्तियाक अहमद खानले हामीले ट्राफिक प्रहरीबाट दुख पाएको बताएका छन । जिल्ला प्रहरी कार्यालय रुपन्देहीको नवनिर्मित भवन उद्घाटन समारोहमा बोल्दै मेयर खानले ट्राफिक प्रहरीले इरिक्साको सम्बन्धमा कुनै सहयोग नगरेको बताए ।
मेयरले मात्रै सबै व्यवस्थापन नहुने भन्दै उनले प्रशासन, प्रहरी र ट्राफिकले सहयोग गरेमात्र काम गर्न सकिने बताए । बस समितिले भनेपछि काम हुने तर स्थानीय सरकारको मेयरले भनेपछि काम नहुने भन्दै मेयर खाँले नेपाल प्रहरी संगठनका प्रमुख आइजीपि बसन्त कुवरलाई नै प्रश्न गरे । ‘यस्को लागि मैले गर्नुप¥यो , अइजीपी सबले बताईदिनु पर्छ । मेयरको पावर पनि केहो बताइदिनु प¥यो । ’
‘रोडले कति क्षमताको गाडी धान्न सक्छ, त्यही अनुसार गुड्ने अनुमति दिनुपर्छ । रोड विग्रनुको कारण ओभरलोड भएकोले चिटको आधारमा ओभरलोड नघट्ने बताए । ओभर लोडले सडक संरचना भत्किदै गएका छन, रोडको सुधार जब सम्म गाडीले रोडको क्षमता अनुसारको गुड्छ अनि मात्रै हुने’ मेयर खाँले भने ।
अहिलेको रोडको अवस्थाले यहाँ आउने पर्यटकले दुख पाइरहेका छन । केन्द्रले जति पनि नियम कानुन लगाए यहाँ फेल हुने बताउदै आइरहेको पर्यटकलाई दुख नदिन उनले आग्रह गरे । यस्तो प्राकृतिक सम्पदा संसारमै कहि नभएकोले पर्यटकको लागि ठूलो सम्भावना रहेकोले र्फाइदा उठाउन सकिएको छैन । हाम्रो फोकस टुरिजम हाे, अर्बो लगानी पर्यटन क्षेत्रमा भएका छन, होटलहरु खाली छन ।
जब सम्म आइजीपि साहबको निर्देशनमा पुलिसले लाइन लेन्थ मिलाउदैन भने विकास नहुने बताए । प्रहरी माथि नै निर्भर रहेकोले अइजीपि सामु ध्यानआकृष्ठ गराए । यस्मा फोकस गरे रोड पनि राम्रो हुने र टुरिजमको पनि विकास हुने उनले भने ।
