भैरहवा ।
बलात्कारको आरोपमा रुपन्देही प्रहरीले ३ जना युवाहरुलाई नियन्त्रणमा लिएको छ । किशोरीलाई बलात्कार गरेको आरोपमा जिल्ला प्रहरी कार्यालय रुपन्देहीले कोटहीमाइ गाउंपालिकाका तीन जनालाई नियन्त्रणमा लिएको हो ।
पीडितको परिवारका अनुसार कोटहीमाइ गाउपालिकाका उद्यम बिकास सहजकर्ता मुकेश चौधरीले गाँउपालिकाबाट तालिम परेको , उक्त तालिम आवसीय हुनाले भैरहवामा बास बस्ने गरी आफनै मोटरसाइकलमा बसालेर लगेका थिए । परिवारले किशोरीलाई तालिमको बहानामा ललाई फकाई गरि कोटहीमाइ गाउपालिका दुई कर्मचारी सहित ३ जनाले भैरहवा लगेका आरोप छ ।
घटना केही समय पहिलेको भएपनि किशोरीलाई घटनाबारे जानकारी गराए मार्ने डर त्रास देखाएकोले घटना बाहिरिएको थिएन । पीडितको शरीरबाट निरन्तर ब्लिडिङ भएको, अवस्था गम्भिर भएपनि सामाजिक रुपमा असर हुन्छ भन्ने डरले परिवारले घटना सार्वजनिक गर्न हिच्किचाएका थिए ।
किशोरीका परिवारले बलात्कारमा संलग्न रहेको आरोपमा कोटहीमाई गाउंंपालिका शिक्षा शाखामा कार्यरत प्राविधिक सहायक ३२ बर्षिय मनोहर चौधरी ,कोटहीमाइका उद्यम बिकास सहजकर्ता २६ बर्षिय मुकेश चौधरी र कोटहीमाइ वडा नं ३ का वडा अध्यक्षका छोरा ३५ बर्षिय बन्टी पान्डेलाई नियन्त्रणमा लिई प्रहरीलाई बुझाएको बताए ।
घटना भदौ पहिलो हप्ताको भएपनि हिजो मात्रै पीडितको जाहेरी आएकोले तीनजनालाई अनुसन्धानका लागि नियन्त्रणमा लिइएको जिल्ला प्रहरी कार्यालय रुपन्देहीका प्रमुख एसपी रजित सिंह राठौरले जानकारी दिए । घटनाबारे अनुसन्धान भइरहेको र मुद्धा दर्ता हुन्ने राठौरले बताए ।
