बुटवल । देशकै नमुना सामुदायीक विद्यालय बुटवल १० कालिका नगरमा रहेको  कालिका मानवज्ञान मावि मा कथा लेखन कार्यशाला समापन गरिएको छ । ३ दिन सम्म चलेको कथा लेखन कार्याशालाको मंगलबार एक औपचारिक कार्यक्रमको आयोजना गरी समापन गरिएको छ ।

विद्यालय व्यवस्थापन समितिका अध्यक्ष नित्यानन्द ज्ञवालीको अध्यक्षतामा भएको  कार्याशाला समापन कार्यक्रममा बरिष्ठ शाहित्यकार तथा अधिवक्ता दिल शाहनीको प्रमुख आतिथ्यता रहेको थियो ।

कार्यक्रममा बोल्दै प्रमुख अतिथि शाहानीले कथाको साहित्यमा विशेष योगदान रहेको भन्दै ३ दिन सम्म सिकेको कुरालाई व्यवहारमा उतारेर निकट भविश्यमा एउटा सफल साहित्यकार बन्नको लागि विद्यार्थीहरुलाई उत्प्रेरेणात्मक मन्व्य  दिएका थिए ।

कथा सुन्ने कथा,  लेख्ने कथा र पछिल्लो समयमा फेरिएको परिवेश अनुसार हेर्ने कथा रहेको बताउँदै बरिष्ठ साहित्यकार साहनीले कथाले सिंगो समाजको ऐनाको रुपमा काम गर्ने बताएका थिए ।

कार्यक्रममा  शाहित्यकार तथा प्रध्यापक ऋषिराम भुषालले कथा झुट कुरा देखाएर साँचो अर्थ देखाउने गरी परिाषित गरिएको बताउँदै  विद्यार्थीहरुको लागि कथा लेखन कार्यशाला आफैमा महत्पूर्ण कार्य भएको बताएका थिए ।

विद्यालयका प्रधानााध्यापक दिनेश थापाले विद्यालयमा रहेका ४० जना विद्यार्थीहरुको सहभागीतामा ३ दिन सम्म कथा लेखन कार्यशाला आयोजना गरिएको जानकारी दिदै  कथा लेखन कार्याशालाबाट  रचिएका कथालाई निकट भविश्यमा पुस्तका प्रकाशन गर्ने सम्मको योजना रहेको जानकारी दिएका थिए ।  

विद्यार्थीहरुको लागि सहित्यीक वातावरण विकासका लागि घर परिवारको महत्वपूर्ण भुमिका रहेको भन्दै उनले परिवारले विद्यार्थीको नियमित शिक्षा संगै  शाहित्यीक वातावरण समेत सृजना गर्नुपर्नेमा जोड दिएका थिए । कार्यक्रमममा बरिष्ठ लेखक÷पत्रकार मदन पौडेल ले साहित्य आफैमा एउटा नशा भएको भन्दै विद्यार्थीहरुमा नशाको सुत्रपात गरिएको र आगामी दिनमा यसले ठुलो महत्व राख्ने गरी प्रतिफल आउने बताएका थिए । 

कार्यक्रमा बुटवल कालिका क्याम्पसका क्याम्प प्रमुख घनश्याम पाठक, अधिवक्ता ज्ञानु केसी, लेखक ÷साहित्यकार दुर्गा पौडेल लगायतको सहभागीतामा रहेको थियो । ३ दिन सम्म चलेको कार्यशालामा साहित्यकार÷लेखक विजयराज आचार्यले सहजीकरण गरेका थिए ।

१३० भन्दा बढि बाल साहित्यका पुस्तक प्रकाशन गरेका आचार्यले लेखालाई निरन्तरता दिनको लागि विद्यार्थीलाई आग्रह गरेका थिए । कार्यक्रममा विद्यार्थीहरु कृषा अधिकारी, कृषा भट्राई, शिक्षा क्षत्री, प्रकृति घिमिरे  लगायतले आफुले रचना गरेका कथा वाचन तथा कार्यशालाको अनुभव प्रकट गरेका थिए ।