बुटवल । बुटवलको न्यू होराइजन अंग्रेजी आवासीय माध्यमिक विद्यालयले हिन्दु नारीहरुको प्रमुख चाड हरितालिका तीजको अवसरमा तीज विशेष गीत तथा नृत्य प्रतियोगिता सम्पन्न गरेको छ ।
प्रतियोगितामा कक्षा २ देखि १२ सम्मका छात्रा, शिक्षिका र महिला कर्मचारीको समूहबीच प्रतिस्पर्धा भएको थियो ।
जसमा कक्षा २ देखि ४ बीच भएको प्रतिस्पर्धामा कक्षा ३ को समूह प्रथम, कक्षा २ को समूह दोस्रो कक्षा ४ को समूह तेस्रो भएका छन् ।
यस्तै कक्षा ५ देखि ७ कक्षा बीच भएको प्रतिस्पर्धामा कक्षा ७ प्रथम, कक्षा ५ दोस्रो र कक्षा ६ तेस्रो भएका छन् ।
यस्तै कक्षा ८ देखि १० कक्षाबीच भएको प्रतिस्पर्धामा कक्षा १० को समूह प्रथम,कक्षा ८ को समूह दोस्रो र कक्षा ९ को समूह तेस्रो भएको छ ।
कक्षा ११ र १२ का विञान र व्यवस्थापन संकायका दिवा र बिहानी समूहबीच भएको प्रतिस्पर्धामा कक्षा १२ व्यवस्थापन बिहानी समूह प्रथम, कक्षा १२ विज्ञान दिवा समूह दोस्रो र कक्षा १२ व्यवस्थापन दिवा समूह तेस्रो भएका विद्यालयका अतिरिक्त क्रियाकलाप प्रमुख बालकृष्ण बस्यालले जानकारी दिए ।
यस्तै शिक्षिका र महिला कर्मचारीहरुको समूहबीच भएको प्रतिस्पर्धामा कर्मचारी समूह प्रथम, कक्षा ५–७ का शिक्षिका समूह दोस्रो र कक्षा ८देखि १२ का शिक्षिका समूह तेस्रो भए ।
विजयी सबै समूहले क्रमशः ५ हजार, ३ हजार र २ हजारका दरले नगद पुरस्कार पाए ।
उनीहरुलाई विद्यालयका प्राचार्य लोकनाथ उपाध्याय,उपप्राचार्यहरु बालकृष्ण भण्डारी,बासुदेव अर्याल, राजीव श्रेष्ठ,अतिरिक्त क्रियाकलाप प्रमुख बालकृष्ण बस्याल,नृत्य प्रशिक्षक लोकेन्द्र शाह लगायतले पुरस्कार वितरण गरे ।
पुरस्कार वितरण गर्दै विद्यालयका प्राचार्य लोकनाथ उपाध्यायले संस्थाले नेपाली लोक संस्कृति संरक्षण र यसबारे विद्यार्थीलाई ज्ञान दिलाउन तीज र नृत्य प्रतियोगिता आयोजना गरेको बताए ।
संस्थाले विद्यार्थीको सर्वाङगीण विकासका लागि अतिरिक्त क्रियाकलाप र खेलकुद, संगीतमा पनि विद्यार्थीलाई सहभागी गराई प्रतिभा प्रष्फुटनको अवसर दिलाएको उपाध्यायले बताए ।
उक्त कार्यक्रममा प्रतियोगिताका निर्णायक समेत रहेका कलाकार पुरुषोत्तम भण्डारी, श्रीधर अधिकारी, कार्यक्रम सञ्चालिका कल्पना कुसुमले गीत र नृत्य प्रस्तुत गरेका थिए ।
