बुटवल । नेपथ्य कलेज अन्तर्गत नेपथ्य म्युजिक हबको आयोजनामा भैरहवामा सम्पन्न अन्तर कलेज ब्यान्ड प्रतियोगितामा मणिमुकुन्द कलेज प्रथम भएको छ ।
मणिमुकुन्द कलेजका विद्यार्थीहरु समिर घिमिरे, निश्चित बस्नेत, सदित थापा, साहिल गाहा र सुशान्त सिंजापती मगरले सो उपाधी हात पार्न सफल भएका हुन् ।
बिभिन्न कलेजका विद्यार्थीबीच भएको प्रतिस्पर्धामा आयोजक नेपथ्य कलेज दोश्रो र होराइजन जिबिएस तेश्रो भएका आयोजक कलेजले जनाएको छ ।
विद्यार्थीसंगै उपाधि ग्रहण गर्दै मणिमुकुन्द कलेजका प्राचार्य टुकबहादुर क्षेत्रीले मणिमुकुन्द कलेजले शैक्षिक गुणस्तर संगै अतिरिक्त क्रियाकलाप, खेलकुद र संगीतमा पनि उत्कृष्ट नतिजामा निरन्तरता दिन सफल भएको भन्दै विजयी सबै कलेजका विद्यार्थीलाई बधाई ज्ञापन गरेका थिए ।
