गुल्मी । नेपाली काँग्रेसका नेता तथा गुल्मी क्षेत्र नम्बर १ का सांसद डाक्टर चन्द्र भण्डारीले गुल्मीको दुई कार्यालय प्रमुखहरूको खुलेरै प्रशंसा गरेका छन् ।
गुल्मी जिल्लाका स्थानीय तह र सरकारी कार्यालयहरूको आर्थिक वर्ष २०८०/०८१ को समीक्षा बैठकका प्रमुख अतिथि डाक्टर भण्डारीले सडक पूर्वाधार विकास कार्यालय प्रमुख सचितानन्द चौधरी र जलश्रोत तथा सिँचाइ डिभिजन कार्यालयका प्रमुख भरत सापकोटाको प्रशंसा गरेका हुन । उनले कार्यालय प्रमुख सापकोटालाई भने - तपाईँलाई देख्दा खेरी र सडकको इन्जिनियरलाई देख्दा मलाई के लागेको छ भने चाइनाले त्यसै विकास गरेको रहेनछ ।
त्यस्तै उनले गुल्मी जिल्लाको शैक्षिक अवस्था देशमै गर्व गर्न लायक रहेको भन्दै प्रशंसा गरे । बिहीबार गुल्मी जिल्लाका स्थानीय तह तथा सरकारी कार्यालयहरूको गत आर्थिक वर्षको प्रगति समीक्षा बैठकलाई सम्बोधन गर्दै प्रमुख अतिथि नेता भण्डारीले यी दुई सरकारी कार्यालय प्रमुख र यहाँको शैक्षिक क्षेत्रको प्रशंसा गरेका हुन ।
