परासी ।सुनवल नगरपालिकाले पोसाक वितरण तथा अन्तरक्रिया कार्यक्रम कार्यक्रम गरेको छ । संविधान दिवस तथा राष्ट्रिय दिवसको अवसरमा पोसाक वितरण तथा अन्तरक्रिया कार्यक्रम कार्यक्रम गरेको हो ।
नगरपालिकाले सुनवल १३ मा अवस्थित भुमहिमा रहेको पवित्र वृद्धाश्रम र सुनवल १ मा रहेको लुम्बिनी माविका फरक क्षमता भएका बालबालिकाहरूलाई पोसाक वितरण गरिएको सुनवल नगरपालिकाकी नगरप्रमुख विमला अर्यालले जानकारी दिइन ।
जिल्ला समन्वय समितिका प्रमुख भगवती प्रसाद (रूदल) यादव तथा सुनवल नगरपालिकाकी नगरप्रमुख अर्यालले संयुक्त रूपमा पवित्र वृद्धाश्रम र लुम्बिनी माविका विशेष क्षमता भएका बालबालिकाहरूलाई पोसाक वितरण गरेका हुन ।
लुम्बिनी माविका अध्ययनरत विद्यार्थी विशेष क्षमता भएका १३ जना बालबालिकालाई पोसाक न्यानो कपडा र पवित्र वृद्धाश्रमका ३ जना वृद्धालाई पोसाक वितरण गरिएको सुनवल नगरपालिकाका उपप्रमुख सूर्यप्रसाद दुबेले बताए ।
अन्तरक्रिया कार्यक्रम बोल्दै महाकवि देवकोटा क्याम्पस अध्यक्ष कृष्णप्रसाद लामिछाने संविधान पूर्ण रूपमा कार्यान्वयन नभएको बताए ।
नेकपा एमालेका जिल्ला उपाध्यक्ष डोलराज भण्डारीले जनताको माग अनुसार संविधान संशोधन गर्नुपर्नेमा जोड दिए ।
सहिद स्व विष्णु पाण्डे धर्म पतनि भागिरती पाण्डेले सबिधानले जुन गति जानू पर्ने नगएको र सहिदहरूको बलिदान कदर नभएको बताइन ।
उनले भनिन् संविधानले दिएको कुरा व्यवहार लागू नभएको बताइन।जिल्ला सहकारी संस्था अध्यक्ष विष्णुप्रसाद पौडेल पूर्ण बहुमत संविधान जारी भए पनि संविधान पूर्ण रूपमा कार्यान्वयन रूपमा ढिलाइ भएको बताए ।
