भैरहवा । रुपन्देहीको सम्मरीमाई गाउँपालिका अध्यक्षका छोरा माथि अक्रमण भएको छ ।
गाउँपालिका अध्यक्ष बिनोद कुमार श्रीवास्तवका २५ वर्षिय छोरा अभिषेक श्रीवास्तव घर जाने क्रममा मंगलबार राती अज्ञात समुहले पछाडीबाट अक्रमण गरेको रुपन्देहीका प्रहरी प्रमुख एसपी रंजित सिंह राठौरले जानकारी दिए ।
राती करीब ८ः३० बजे उनी सम्मरीमाई २ बनगाई तर्फबाट सम्मरीमाई १ पिपरी करौता आफ्नो घर तर्फ गइरहेको समयमा उनीमाथि आक्रमण भएको हो । घाइते श्रीवास्तवको उपचार युनिभर्षल क्लेज आफ मेडिकल साइन्सेज भैरहवामा भैरहेका छ । २ जनाले आक्रमण गरेकाे भन्ने खुलेकाे छ, टाउकाेमा चाेट लागेकाे र अवस्था मध्यम रहेकाे प्रहरीले जनाएकाे छ ।
रिसबी वा के कारण घटना घटाइएको हो बारे खुलेको छैन । घाइते श्रीवास्तवलाई आइसीयूमा भर्ना भई उपचार गरेपनि सिटी स्कयानको रिर्पोटमा जोखिम नदेखिएको एसपी राठौरले भने । घटनाको अनुसन्धान भैरहेको छ ।
