बुटवल । दशैँका लागि गाउँघर पुगेका फर्किनेक्रम शुरु भएको छ ।
आजदेखि दशैँको बिदा सकिने र भोलिदेखि सरकारी कार्यालय तथा अन्य निकाय खुल्ने भएकाले पनि गाउँघर गएका धेरैजसो फर्किन थालेका हुन् ।
यसले गर्दा बुटवल क्षेत्रमा पनि बिहानैदेखी सामान्य चहलपहल बढेकाे छ । पुर्वपश्चिम जाेड्ने मुख्य क्षेत्र बुटवलबाट काठमाण्डाै लगायतका क्षेत्रमा जानेहरुकाे घुइँचाे पनि बिहानैदेखी देख्न सकिन्छ ।
यता काठमाण्डौसँग जोडिएका मुख्य नाकामा यात्रु र गाडीको चाप हुन थालेको ट्राफिक प्रहरी कार्यालय (नागढुंगा प्रभागले ) जनाएकाे छ ।
तर यसपालि सडकको अवस्थाका कारण यात्रा निकै कष्टकर रहेको यात्रुको गुनासो छ ।
गएको असोज १०, ११ र १२ गतेको बाढी/पहिरोले सबैजसो राजमार्ग र सडकखण्ड प्रभावित भएकोमा आवश्यक मर्मत गरी सञ्चालनमा आएका छन् ।
तर यी सडकको अवस्था जोखिमपूर्ण रहेकाले यात्रामा सावधानी अपनाउन सम्बन्धित निकायले अनुरोध गर्दै आएका छन् ।
