बुटवल । अर्घाखाँची सम्पर्क मन्च दक्षिण कोरियाको आयोजनामा भाइटिकाको अघिल्लो साझ मारुनी नाच सहितको सुपा देउराली देउसी भैलो तथा सांस्कृतिक साझ २०२४ हुने भएको हो।
नेपालीहरूको दोस्रो ठूलो चाड शुभदिपावलिको अवसरमा यही नोभेम्बर २ तारिख शनिबार साँझ दोङ्देमुन स्थित निक नेपाल ट्राभल्सको सभाहलमा कार्यक्रम हुने भएको हो।
मञ्चले आयोजना गर्नलागेको सुपा देउराली देउसी भैलो तथा सांस्कृतिक साँझमा हाम्रो कला संस्कृति र मौलिकतालाई जगेर्ना गर्ने हेतुले अर्घाखाँचीमा नाचिने मारुनी नाच ,बासुरी ताल र स्थानीय कलाकारहरूको उपस्थितिमा अन्य मनोरञ्जनात्मक सांस्कृतिक कार्यक्रम हरु पनि प्रस्तुत हुने छन ।
कोरियामा रहेका नेपाली जोसुकैले कार्यक्रममा उपस्थित जनाउन सकिने व्यवस्था रहेको मञ्चका कार्यवाहक अध्यक्ष बाबुराम पोखरेलले बताए।
