तिलोत्तमा । नेपाल सरकारले पुनःनापी गर्ने योजना अनुसार रुपन्देहीको तिलोत्तमा नगरपालिकाले पुननापी गरि लालपुर्जा बितरण गरेको छ ।
तिलोत्तमा नगरपालिका वडा नम्बर १३ मा एक कार्यक्रमका बिच नापी कार्यलय रुपन्देहीले ४३० जनालाई लालपुर्जा बितरण गरेको हो ।
उनीहरुलाई नापी कार्यालय रुपन्देहीका प्रमुख सुग्रीव यादब, तिलोत्तमा नगरपालिका प्रमुख रामकृष्ण खाँण, उपप्रमुख जगेश्वरी देबी चौधरी, तिलोत्तमा नगरपालिका वडा नम्बर १३ अध्यक्ष नारायण ढकाल लगायतले लालपुर्जा बितरण गरेका हुन् ।
पुन नापीको लागि भएको योजना अनुसार वडा नम्बर १३ बाट तिलोत्तमाले शुरु गरेको तिलोत्तमा नगरपालिका प्रमुख रामकृष्ण खाँणले जानकारी दिए । उनले वडाभित्र पुनः नापीको लागि १२ सय बिघा जमिनको लागि १३ सय निवेदन परेको जानकारी दिए । यो अव्यवस्थीत बसोबासीको लागि नभई पहिलेदेखी नै लालपुर्जा भएकालाई पुन नापी गरि बितरण गरिएको जानकारी दिए ।
उनले भने, ‘नेपाल सरकारले नै पुनः नापी गर्ने निणर्य गरेबमोजिम नै पुनः नापी गरेका हाँै । यो नापी पहिले देखी नै लालपुर्जा भएकाहरुलाई प्रदान गर्नको लागि सहयोग गरेका हौँ । ’
उनले तिलोत्तमा नगरपालिकाको सम्पूणर् सहयोगमा नागरिकलाई पुनः नापी पछिको लालपुर्जा प्रदान गरिएको बताउँदै अहिले बाँकी रहेकाहरुलाई ४ महिनाभित्र लालपूर्जा बितरण गर्ने जानकारी दिए ।
बि.सं.२०२७ सालपछिको ५४ वर्षपछिको पुनः नापी गर्ने योजना अनुसार तिलोत्तमा लगायतका क्षेत्रमा पुन नापीको लागि नापजाँच भएपनि तिलोत्तमाले पहिलोपटक लालपूर्जा बितरण गरेको हो ।
नयाँ नापीमा पहिलेदेखी प्रचलनमा रहेको बिघा लाई हेक्टरमा परिवर्तन गरिएको छ भने पहिलो नापी पश्चात निर्माण भएका बाटो, कुलो,नाला, खोल्साखोल्सी नाप्ने गरिएको नापी कार्यालय रुपन्देहीका प्रमुख सुग्रीव यादबले जानकारी दिए ।
उनले भने, ‘नेपाल सरकारको निणर्य बमोजिम नै पुनः नापीको कामहरु भईरहेका छन् । यसमा पहिलेदेखी प्रचलनमा रहेको बिघा लाई हेक्टरमा परिवर्तन गरिएको छ भने पहिलो नापी देखी पछिल्लो नापी सम्मको बिचमा बनेका बाटोहरु, कुलो, नाला लगायतको नामांकन गरिन्छ । ’
तिलोत्तमा नगरपालिका उपप्रमुख जगेश्वरी देबी चौधरीले तिलोत्तमाले नगरका बासीन्दाको लागि लालपुर्जा प्रदान गरेको बताउँदै यसको लागि तिलोत्तमा नगरपालिकाले पुनः नापी गर्दा लाग्ने सबै खर्च बेहोरेको बताईन् । उनले लालपुर्जा लिँदा ३० रुपैयाँ मात्रै एक ब्यक्तिले तिर्नुपर्ने उनले जनाईन् ।
तिलोत्तमा नगरपालिका वडा नम्बर १३ अध्यक्ष नारायण ढकालले लालपुर्जा बितरणले वडाबासीको लागि निकै सहज भएको आफुले विश्वास लिएको बताए ।
