बुटवल । लायन्स क्लब अफ बुटवल देउराली साकुरा र तिलोत्तमा नगरपालिकाको आयोजनामा तिलोत्तमा १४ टिकुलीगढ स्वास्थ्य चौकीमा १ दिने निशुल्क मधुमेह स्वास्थ्य शिविर सम्पन्न भएको छ । शिविरमा १९० जना बिरामीहरूको निशुल्क स्वास्थ्य परिक्षण तथा निःशुल्क औषधि वितरण परामर्श सम्पन्न गरिएको थियो । कार्यक्रममा लायन्स इन्टरनेसनल डिस्ट्रिक्ट ३२५ पी का गभर्नर पुरुषोत्तम भक्त प्रधानांग, तिलोत्तमा १४ का वड़ा अध्यक्ष असिम पौडेल
,तिलोत्तमा नगरपालिका स्वास्थ्य शाखा प्रमुख जनस्वास्थ्य अधिकृत ज्ञान प्रसाद पौडेल, क्लबकी अध्यक्ष लक्ष्मी पराजुली पौडेल,कार्यक्रम संयोजक यसोधा पोख्रेल,माया भट्टराई लगायतले आफ्ना भनाई राख्दै मानवीय सेवामा लायन्स क्लबहरुले खेलेको भूमिका सराहनीय रहेको बताएका थिए ।
