काठमाडौं । चलचित्र ‘पिताम्बर’ले रिलिज डेट लिएको छ । चैत २९ गते यो चलचित्र रिलिज हुने निर्माणपक्षले जनाएको छ ।
पोस्टर सार्वजनिक गर्दै निर्माणपक्षले रिलिज डेटबारे जानकारी दिएको हो । सार्वजनिक पोस्टरमा प्रदीप खड्काले प्रमुख स्थान पाएका छन् । पोस्टरले सिनेमाको मुख्य पात्र प्रदीप भएको प्रष्ट पारेको छ । पोस्टरले अब पिताम्बर को हो भन्ने कौतुहल मेटाइदिएको छ ।
प्रदीपको मुहार रगतले पोतिएको छ । बन्दुक ताकेर बसेका सौगातको अनुहारमा रिसको आवेग छ । दयाहाङ राईको अनुहारमा पनि रिस देखिन्छ । पोस्टरमा प्रमुख पात्रको लुक्सले ‘पिताम्बर’ एक्सन सिनेमा भएको अनुमान लगाउनेछ ।
‘पिताम्बर’मा स्टार कलाकारहरूको बलियो लाइनअप छ । सौगात, प्रदीप र दयाहाङसँगै चलचित्रमा दिव्या रायमाझि, अनुपविक्रम शाही, सुरक्षा पन्त, प्रमोद अग्रहरी, दिव्यदेव, सुपुष्पा भट्ट, कामेश्वर चौरासिया, गौरव विष्ट, विशाल पहारीलगायत कलाकारको अभिनय रहेको छ ।
केपी फिल्मसले पुरुषोत्तम प्रधान फिल्मससँग सहकार्य गरेको ‘पिताम्बर’लाई पुरुषोत्तम प्रधानले खिचेका छन् । विशाल चौलागाईं छन् ।
प्रदीप भारद्धाजको लेखन र हिमाल केसीको द्वन्द्व निर्देशन रहेको चलचित्रको लगानी ५ करोड रहनेछ ।
