बुटवल। बुटवलको थप ३१ स्थानमा हाईमष्ट लाईट जडान गर्नका लागि काम सूरु भएको छ। बुटवल उपमहानगरपालिकाको एक करोड ३० लाख र संघिय सरकारबाट समपुरक अनुदानबाट प्राप्त ३ करोड ५१ लाख गरी करिव साढे चार करोड रकमबाट बुटवलका बिभिन्न स्थानमा हाईमष्ट लाईट जडान गर्न थालिएको हो।
उज्यालो सहरको नारा दिएर यसअघि बुटवलका बिभिन्न स्थानमा हाईमष्ट लाईट जडान गरेको बुटवल उपमहानगरले थप ३१ स्थानमा हाईमस्ट लाईट जडान गर्ने कार्य सूरु गरेको हो। हाईमाष्ट लाईट जडानका लागि त्रिसन्धा सेफ स्टील्सले ४ करोड ४३ लाखमा ठेक्का लिएको छ।
बुटवलको मुख्य चोकको रुपमा रहेको ट्राफिक चोकमा जडान गर्ने हाईमष्ट लाईटको बुटवल उपमहानगरपालिकाका प्रमुख खेलराज पाण्डे र उप प्रमुख सावित्रादेवि अर्यालले सयुंक्त रुपमा सिलान्यास गरे।
सिलान्यास समारोहमा बोल्दै नगरप्रमुख पाण्डेले अव बुटवलको सौन्दर्यकरण र रात्रीको समयमासमेत उज्यालो सडक बनाउने अभियान सूरु भएको बताए।
उनले बुटवलको सौन्दर्यकरण र ब्यवस्थीत सहकरीकरणका लागि सबैको साथ रहेको बताउदै उनले बुटवलका बिभिन्न स्थानमा सार्वजनिक सौचालय, सिसिटिभी क्यामराको जडान, प्रतिक्षालय र ब्यवस्थीत सडकको निर्माण गरिने बताए।
पाण्डेले बुटवलको योगिकुटी, राजमार्ग चौराह, अस्पताललाईन र गोलपार्कमा ट्राफिक लाईट जडान गर्ने प्रक्रिया सूरु भएको बताए।
