काठमाडौँ । भारतको दिल्ली विधानसभाको मत गणना आज हुदै छ । बुधबार भएको मतदानको आज मतगणना हुन लागेको भारतको निर्वाचन आयोगले जनाएको छ ।
प्रदेशको ७० विधानसभा सिटका लागि ६९९ उम्मेदवारले प्रतिष्पर्धा गरेका छन् । यस पटकको चुनावमा आम आदमी पार्टीको सत्तामा पुनरागमन मुश्किल हुने विभिन्न एक्जिट पोलले विश्लेषण गरेका छन् ।
एक्जिट पोलले भारतीय जनता पार्टी सत्तामा आउने अनुमान गरेका छन् । आम आदमी पार्टी २०१५ र २०२० को चुनाव जितेर लगातार सत्तामा रहेको छ ।
दिल्लीमा १९९३ देखि भारतीय जनता पार्टी सत्ता बाहिर रहेको छ । १९९८ देखि २००८ सम्म भारतीय नेशनल कांग्रेस सत्तामा रहेको थियो ।
