काठमाडौं । केदार घिमिरे (माग्ने बुढा)को चलचित्र ‘माग्ने राजा’ले रिलिज डेट लिएको छ । आउँदो तिजमा यो चलचित्र रिलिज हुने भएको छ ।
छायांकनमा जानुअघि नै निर्माणपक्षले प्रदर्शन मिति घोषणा गरेको हो । केदार घिमिरेसँगै आर्यन सिग्देल, वर्षा शिवाकोटी, विल्सन विक्रम राई, मिस पवि र शिशिर बाङदेलको मुख्य भूमिका रहने निर्माणपक्षले जनाएको छ ।
‘माग्ने राजा’लाई ऋषि लामिछानेले निर्देशन गर्नेछन् । पटकथा सामीप्यराज तिमल्सेनाले लेखेका छन् । आरम्भ प्रोडक्सनको ब्यानरमा निर्माण हुने चलचित्रको छायांकन नरेन्द्र मैनालीले गर्नेछन् ।
चलचित्रमा मुनाल घिमिरेको लगानी रहनेछ । चलचित्रलाई आरआर फिल्म्सले वितरण गर्दै छ ।
