बुटवल । लुम्बिनी केबलकारको टप स्टेशन कसन्तपुरस्थित कामाख्या धाम परिसरमा आज महाशिवरात्री विशेष होम, रुद्री पूजा तथा प्रसाद वितरण कार्यक्रम सञ्चालन भएको छ ।
भगवान शिवका भक्तजनलाई लक्षित गर्दै कामाख्या धाममा आज बिहान ९ बजेदेखि सांझ ७ बजेसम्म धुमधामका साथ मशाशिव रात्री पर्व मनाउने कार्यक्रम बनाइएको मन्दिरका मूल पूजारी सुरेश शर्मा पौडेलले बताए ।
‘आज कामाख्या धाममा महाशिवरात्री विशेष कार्यक्रम बिहानदेखि सांझसम्म गर्दैछौं’–पूजारी पौडेलले भने–‘भक्तजनहरुलाई प्रख्यात शक्तिपीठ कामाख्या माताको दर्शन संगै शिव ज्योतिर्लिङगको पूजा तथा जल अर्पणको समेत व्यवस्था गरिएको छ ।’
केबलकारका म्यानेजर प्रज्ज्वल घिमिरेले भगवान शिवका भक्तजनहरुलाई यस वर्षको महाशिवरात्री विशेष स्मरणीय र फरक होस् भनेर कामाख्या धाममा विशेष कार्यक्रम सहित सबै भक्तजनलाई प्रसाद वितरण गर्ने गरी व्यवस्थापन गरिएको बताए ।
विश्वकै अत्याधुनिक र सुरक्षित प्रविधिको केबलकार यात्राको आनन्दसंगै महाशिवरात्री पर्वलाई विशेष स्मरणीय बनाउन भक्तजनहरुमा लुम्बिनी केबलकारले अनुरोध गरेको छ ।
