बुटवल । रुपन्देहीको मायादेवीमा गोली प्रहार गरि एक पुरुषको हत्या भएको छ । मायादेवी गाउँपालिका वडा न.२ डङ्गचाहावाका अन्दाजी २९ वर्षिय राजु(राजेशसिंह)लोधलाई घरमै गोलीहानी हत्या भएको पाईएको हो ।
गएराती घटना भएको हुनसक्ने आंशका गरिएको छ । मृत्यु हुने लोधको टाउँकोमा २ राउण्ड गोली चलाईएको घटनास्थलमा रहेका स्थानीयले जानकारी दिएका छन् ।
स्थानीयका अनुसार दाजुभाई विच जग्गाको विषयमा केही महिना देखि विवाद चलेको र जग्गालाई लिएर आफ्नै दाईले हत्या गरेको हुन सक्ने स्थानीयले आरोप लगाएका छन् । गयराती देखि राजु लोधका दाई दिपक लोध फरार छन् ।
घटनाबारे प्रहरीलाई विहान थाहा भएको थियो । घटना हुनसाथ तत्काल रुपन्देही प्रहरी घटनास्थल पुगी घटनाबारे प्रारम्भिक रुपमा अनुसन्धान थालेको छ ।
