काठमाडौं । शुक्रबार रिलिज हुने नेपाली चलचित्र ‘होस्टेल–३’ को अग्रिम टिकट बुकिङ खुला भएको छ । सोलो रिलिजको मौका पाएको चलचित्रले राम्रो शो पाएको छ ।
नेपालकै सबैभन्दा ठूलो मल्टिप्लेक्स चेन क्यूएफएक्सले आउटलेटमा २९ शो दिएको छ । दोस्रो ठूलो चेन आईएनआई सिनेमाजमा १५ शो, वान सिनेमाजमा ९ शो पाएको छ । बिग मुभिजमा ५ शो, एफक्यूब सिनेमामा ५ शो, बिएसआर सिनेमाजमा ४ शो पाएको छ ।
‘होस्टेल–३’ युवा पुस्तालाई लक्षित गरेर बनाइएको छ । सशान कँडेलले निर्देशक गरेको चलचित्रको मुख्य भूमिकामा पारस बम ठकुरी, सिम्रन पन्त, आशिष घिमिरे, पदम तामाङ, हेना नगरकोटी, रिहान गिरी, समा पराजुली लगायत रहेका छन् । अभिनेता प्रवीण खतिवडा वार्डेनको भूमिकामा छन् ।
चलचित्रको कथा माधव शर्माले लेखेका हुन् । चलचित्रको निर्माता सुरेश कँडेल, कर्ण कार्की, गोविन्द अधिकारी हुन् । कार्यकारी निर्माता शंकर कोइराला हुन् ।
