परासी । नवलपरासी पश्चिम सुनवल नगरपालिकामा एक दिने पशु स्वास्थ्य शिविर संचालन गरिएको छ । सुनवल वडा नम्बर ४ को विकट गाउँ मानिने महलपोखरीमा सुनवल नगरपालिका पशुसेवा शाखाले एक दिने पशु स्वास्थ्य शिविर संचालन गरेको हो ।
परीक्षा गर्दा पशुपंक्षीमा बढी मात्रामा जुका, नाम्ले र माटे जस्ता आन्तरिक परजिवी भेटिएको सुनवल पशुसेवा शाखाप्रमुख मिश्री प्रसाद सड्काले जानकारी दिए ।
नगरपालिकाबाट करिब ११ किलोमिटर उत्तर पहाडी भेग पर्ने उक्त क्षेत्रमा बसोबास गर्ने ३५ घरका १३ सय ९१ पशुपंक्षीको उपचार तथा औषधी वितरण गरिएको सुनवल पशुसेवा शाखाप्रमुख मिश्री प्रसाद सड्काले बताए ।
शिविरमा पशुको गोबर परिश्रण, बन्ध्याकरण, आन्तरिक तथा बाह्य परजिवी परिश्रण गरि निधान सहितको औषधी वितरण र परामर्श सेवा दिईएको पशु क्वारेन्टाइन चेक पोष्ट महेशपुरका पशु सेवा प्राविधिक ठाकुर प्रसाद खड्काले जानकारी दिए ।
यातायातको असुविधाका कारण बर्षैदेखि पशुपक्षिंमा रोग लाग्दा केही गर्न नसकेका किसानहरु सहज तरिकाले आफ्नै क्षेत्रमा पशुपंक्षीको उपचार भएकोमा हर्षित भएका छन् ।
५१७ वटा बाख्रा, ८१ वटा गाई, ७५ वटा बंगुर र ७१८ वटा कुखुरालाई चेकजाच गरि भिटामिन, डाइजेस्टिक पाउडर, जुका, नाम्ले र माटेको औषधी वितरण गरिएको नगरपालिकाको पशु डक्टर टोजनाथ ढकालले बताए ।
नगरपालिकाको आर्थिक वर्ष २०८१ र ०८२ को वार्षिक स्वीकृत कार्यक्रम अनुसार पशुसेवासगँ सम्बन्धित कुनैपनि सेवा नपुगेका दुर्गम बस्तीमा उक्त शिविर संचालन गरिएको नगरपालिकाले जनाएको छ ।
