भैरहवा । रुपन्देहीको भैरहवामा नयाँ व्यवस्थापनका साथ अंशिका कन्सल्टीङ सर्भिस संचालनमा आएको छ । विगत ५ वर्ष देखि यही पेशमा रमाएका युवा राकेश कुमार चौधरीले भैरहवाको नारायण पथमा नयाँ व्यवस्थापनका साथ ईन्सिच्युट संचालनमा ल्याएका हुन ।
कोरियन भाषा, जापनीज भाषा, कम्प्युटर शिक्षा, अंग्रेजी भाषाका कक्षाहरु, ब्रिज कोषहरु, मुख्य विषयका ट्युसन, सिटीभिटी तयारी कक्षा, लोक सेवा आयोग र शिक्षक सेवा आयोग लगायतको तयारी कक्षाहरु दक्ष प्रशिक्षकबाट प्रशिक्षण गरिने उद्देश्य सहित ईन्सिच्युट’ सञ्चालन संचालन गरेको संचालक चौधरीले भने । उनले लेखा व्यवस्थापन, डिजाइन, डिप्लोमा र बेसिक लेभलको कोर्सका कार्यक्रमहरु पनि संचालनमा रहेको बताए ।
यस क्षेत्रमै भरपर्दो, सस्तो र गुणस्तरीय शैक्षिक सेवा प्रदान गर्ने उद्धेश्यले सेवा सुविधा सम्पन्न ईन्सिच्युटको रुपमा स्थापित गरेको उनले भने । हाम्रो उद्देश्य नाफा कमाउनु भन्दा न्यून शुल्कमा व्यवहारिक, गुणस्तरीय र सृजनशील विद्यार्थी बनाउनुका साथै आर्थिक अवस्थाको कारण पढाईबाट बञ्चित नहोस भन्ने पनि हो ।
“हामी सस्तो र सर्वसुलभ दरमा उच्चस्तरीय शिक्षा प्रदान गर्न प्रतिबद्ध छौं।” विद्यार्थीको सपना साकार बनाउनका लागि हामी सहयात्रीको रुपमा छौ, हामीसँग ईन्सिच्युटमा विभिन्न विषयका वर्षैा देखि अनुभवी शिक्षकहरूको टोलीले अध्यापन गराउनेछ । इन्सिच्युटको यो प्रयासले स्थानीय समुदायमा शिक्षा र रोजगारीको अवसर बढाउने अपेक्षा गरिएको छ ।
जिल्लामा रहेका अतिविपन्न वर्ग तथा निम्न वर्ग बालवालिकाहरुका लागि सहुलियत दरमा कम्प्युटर शिक्षा प्रदान गर्ने हाम्रो योजना छ । सिप प्रदान गर्ने मात्रै होइन हामी उनीहरुको रोजगारीका लागि सम्भावित ठाँउहरुसँग पनि समन्वय गरेर रोजगारीको वातावरण बनाउछौ । ईन्सिच्युटमा गरिव तथा जेहेन्दार विद्यार्थीहरुको अवस्थालाई मध्येनजर गरेर इन्सिच्युटमा निःशुल्क अध्ययन अध्यापन गराईने इन्सिच्युटका संचालक चौधरीले भने ।
हाल विहान ५ बजे देखि साझ ८ बजे सम्म विभिन्न कक्षाहरुमा ४ सय बढि विद्यार्थी अध्ययनरत रहेकोमा हालै सम्पन्न एसईई दिएका विद्यार्थीहरुलाई लक्षित गरि विभिन्न कोर्स र तयारी कक्षाहरु संचालन गर्न लागेको छौ ।
विद्यार्थीलाई कम्प्युटर सम्वन्धि शिक्षा दिनका लागि धेरै भन्दा धेरै प्रयोगात्मक अभ्यास होस भन्नका लागि ३० वटा कम्प्युटर सहितको ल्याबबाट नयाँ प्रविधिको बारेमा पनि प्रशिक्षण गरिने छ ।
