काठमाडौँ । इटालीकी प्रधानमन्त्री जर्जिया मेलानी तिरानामा आयोजित युरोपेली राजनीतिक समुदाय शिखर सम्मेलनमा आइपुग्दा एउटा अनौठो दृश्य देखियो ।
अल्बेनियाली प्रधानमन्त्री एडी रामाले मेलानियालाई रातो कार्पेटमा घुँडा टेकेर स्वागत गरे । अल्बेनियाली प्रधानमन्त्री एडी रामाले घुँडा टेकेर स्वागत गरेको भिडियो सामाजिक सञ्जालमा अहिले भाइरल भएको छ ।
तीन महिनाअघि, मेलानीलाई रामाले फ्युचर्स इनर्जी समिटको लागि अबुधाबी आउँदा यस्तै तरिकाले स्वागत गरेका थिए । त्यतिबेला अल्बेनियाली प्रधानमन्त्रीले मेलानीको लागि गीत पनि गाएका थिए ।
पानी परिरहेको बेला कारबाट बाहिर निस्केपछि, मेलोनीले त्यहाँ उपस्थित सहयोगीहरूलाई छाता ल्याउन अस्वीकार गरेकी थिइन् । उनको स्वागत गर्न उपस्थित अल्बेनियाली प्रधानमन्त्री छाता लिएर कारबाट केही कदम टाढा उभिरहेका थिए । मेलोनी उनीतिर हिंड्दै गर्दा, पीएम रामाले अचानक आफ्नो छाता छेउमा राखे र घुँडा टेकेर उनको स्वागत गरे ।
आफ्नो अल्बेनियाली समकक्षीलाई यसो गरेको देखेर मेलोनीलाई एक क्षणको लागि लज्जित पनि महसुस भयो । पछि प्रधानमन्त्री रामाले मेलोनीलाई अँगालो हाल्दै स्वागत स्वीकार गरेकी थिइन् ।
