परासी ।नवलपरासीको सदरमुकाम परासीमा युवा (जेनजी)हरुले प्रदर्शन स्थानीय तह र सरकारी कार्यालय ताेडफाेट तथा आगाे लगाएका छन ।
बिहान १० बजेदेखि प्रदर्शन सुरु गरेका उनीहरुले दिउँसो १ बजेसम्म विभिन्न सरकारी कार्यालय, राजनीतिक दलका पार्टी कार्यालयलगायतमा तोडफोड र आगजनी गरेका छन् ।
नेपाली कांग्रेस जिल्ला समितिको पार्टी कार्यालय, नेपाली कांग्रेसबाट निर्वाचित लुम्बिनी प्रदेश सभासद बैजनाथ कलवारको सम्पर्क कार्यालय, माओवादी केन्द्रको कार्यालयमा तोडफोड गरी आगजनी गरेका छन् ।
उनीहरुले कार्यालयभित्र रहेका सबै सामान बाहिर ल्याएर ध्वस्त बनाएका छन् । उनिहरू जिल्ला समन्वय समिति ,रामग्राम नगरपालिका मालपाेत ताेडफाेड, सरकारी वकिल कार्यालय करमा आगाे लगाएका छन ।
प्रशासन कार्यालयमा ढुङ्गामुडा गरी क्षति पु¥याएका छन् । ढुङ्गामुडाबाट एमाले पार्टी कार्यालयमा सामान्य क्षति पुगेको छ । प्रदर्शनकारीहरुले तोडफोड र आगजनी गरेपनि प्रहरीले भने कुनै हस्तक्षेप गरेको छैन ।
आगजनी भएका स्थानमा दमकल जान नसकेकाले नियन्त्रण गर्न नसकिएको प्रदर्शन स्थलमा खटिएका एक प्रहरीले जनाएका छन् ।
प्रदर्शनकारीहरुले सरकारी कार्यालय र राजनीतिक दलका पार्टी कार्यालयलाई निसानामा राखेर प्रदर्शन गरिरहेका छन् । यसैबीच जिल्ला प्रशासन कार्यालयमा भएको प्रदर्शनमा प्रहरीले झन्डै २० राउण्ड अश्रृग्यास हानेको थियो ।
