बुटवल । नेपाली कम्युनिस्ट पार्टी (नेकपा) अर्घाखाँचीले आगामी प्रतिनिधिसभा निर्वाचनका लागि जिल्लाबाट उम्मेदवार सिफारिस गरेको छ।
पार्टीको जिल्ला समन्वय समिति अर्घाखाँचीको बैठकले केन्द्रमा पठाएको सिफारिसअनुसार प्रतिनिधिसभा सदस्यका लागि ८ जनाको नाम प्रस्ताव गरिएको छ। सिफारिस हुनेहरूमा पूर्व युवा नेता तथा जनप्रतिनिधि, महिला तथा विभिन्न समुदायका नेताहरू समेटिएका छन्।
यसैगरी, समानुपातिक तर्फ प्रतिनिधिसभाका लागि पनि ४ जनाको नाम सिफारिस गरिएको छ। समानुपातिक सूचीमा दलित, महिला र मुस्लिम समुदायका प्रतिनिधिहरूलाई प्राथमिकता दिइएको देखिन्छ।
प्रतिनिधिसभा प्रत्यक्षतर्फ पुर्व राष्ट्रिय सभा सदस्य चन्द्र बहादुर खड्का, पर्यटन व्यवसायी शोभाखर बञ्जाडे, तत्कालिन नेकपा एस अर्घाखाँची अध्यक्ष राम बहादुर चौहान, युवा नेता गिरिजा खड्का, ठाकुर सौराग, निर्मला पोखरेल, बिष्णु गैरे र मोहन गौतम सिफारिस गरिएको छ।
समानुपातिकतर्फ ठाकुर कुमार बिक, पताम्बर सारु, सुनिता भुसाल बेल्बासे र हसरुद्दिन मियाँको नाम सिफारिस गरिएको छ।
पुर्व राष्ट्रिय सभा सदस्य चन्द्र बहादुर खड्कालाइ सम्मान स्वरुप सम्मान गरिएको नेकपाका नेताहरुले बताएका छन् ।
पर्यटन व्यवसायी शोभाखर बञ्जाडेले आफ्नो माहोल बनाउँदै गएका छन् । उनी नेपाल पर्यटन ब्यवसायी संगठन को केन्द्रीय उपाध्यक्ष तथा लुम्बिनी प्रदेश ईन्चार्ज हुन् । उनी होटलीयन एशोसियसनका लुम्बिनी प्रदेश सदस्य समेत हुन् ।
रुपन्देहीमा रहेर पर्यटन व्यवसाय गर्दै आएका उनले अर्घाखाँची स्थीत आफ्नो घर मालारानी १ सुन्दरपोखरामा कृषि क्रान्ती समेत गर्दै आएका छन् । उनले मौसमी फलफुलका साथै किवि ड्रागन फ्रुट लगायतका फलफुल समेत उत्पादन गरि स्थानीय तथा राष्ट्रिय बजारमा बिक्रि बितरण गर्दै आएका छन् ।
उनी यसअघि माओबादीबाट लुम्बिनी प्रदेशसभा सदस्यमा सिफारिस भएपनि पार्टिले गठबन्धन गर्दा उनी चुनाव लड्न पाएका थिएनन् । युवाको सोच अनुसार केही गर्नुपर्छ भन्ने मान्यतामा रहेर आफुलाई अगाडी बढाईरहेको उनले दाबी गरे ।
यता तत्कालिन नेकपा एसका जिल्ला अध्यक्ष राम बहादुर चौहानले पनि आफ्नो राम्रो संभावना रहेको बताउँछन् । तत्कालिन नेकपा एमालेबाट बिभाजन हुँदा पनि सबै क्षेत्रमा कमिटि बनाएर बिस्तार गरेको बताउँदै यो पटकको निर्वाचनलाई अवसरको रुपमा लिएको बताएका छन् ।
