बुटवल । राष्ट्रिय स्वतन्त्र पार्टीले रुपन्देही २ मा उमेदवार टुंगो लगाएको छ । फागुन १९ गते हुने निर्वाचनका लागि ई. आशिष सुवेदीले टिकट पाएका हुन् ।
यो क्षेत्रमा नेकपा एमालेका उपाध्यक्ष विष्णु पौडेलले लगातार चारपटक जितिसकेका छन् । यसअघि पौडेलले रास्वपाका गणेश पौडेललाई १५ सयको मतान्तरले जितेका थिए ।
एमाले उपाध्यक्ष पौडेलसँग भिड्न लागेका सुवेदी लुम्बिनी इन्जिनियरिङ कलेज (लेक)मा अखिल क्रान्तिकारीबाट स्ववियु सभापति बनेका थिए । रूपन्देहीको तिलोत्तमानिवासी उनी रास्वपामा नयाँ अनुहार हुन् ।
उनी बालेनको कोटाबाट उमेदवार बनेको रास्वपाका अर्का आकांक्षी उमेवार सुदन ज्ञवालीले जानकारी दिए ।
उनका अनुसार रुपन्देहीको क्षेत्र नम्बर १ र २ का उम्मेदवारको टिकट वरिष्ठ नेता बालेन साहको कोटामा परेको छ । रुपन्देही १ बाट उनीनिकट सुनिल लम्सालले टिकट पाएका छन् ।
बालेन मेयर छँदा वातावरण सल्लाहकार रहेका सुनील रास्वपाको महामन्त्री दाबेदार हुन् । रुपन्देही ३ मा भने उपनिर्वाचनमै उमेदवार बनेका डा. लेखजंग थापा ‘फाइनल’ भइसकेका छन् ।
