काठमाडौं । एमाले सांसद एशुदाकुमारी बरालले सत्तापक्षबाट आफूहरूलाई अमानवीय व्यवहार भएको टिप्पणी गरेकी छन् । बुधबारको प्रतिनिधिसभा बैठकमा उनले घरिघरी अशिष्ट व्यवहार भइरहेको बताइन् ।
“पुराना दलहरूलाई घरिघरी अशिष्ट व्यवहार, अमानवीय व्यवहार गरिरहनुभएको छ,” उनले भनिन् ।
उनले आफूहरू संसद्मा वादविवाद गर्न नआएको पनि बताइन् । “हामी वादविवाद गर्न आएका होइनौँ । तपाईं बसेको र हाम्रो कुर्सी बराबर हो । २७५ जनताको आवाज बोल्न आएका हौँ । प्रतिस्पर्धा र वादविवाद गर्न आएका होइनौँ,” उनले भनिन् ।
nabil
उनले पुराना सांसदले केही गरेनन्, सदन गन्हायो भन्नेजस्तो अभिव्यक्ति दिएको भन्दै संसद्को रेकर्डबाट हटाउन पनि माग गरिन् ।
सभामुखले सत्तापक्षले बोलेको शब्दमा भने ध्यानकर्षण नगराएको आरोप उनले लगाइन् । “विपक्षी दलले भनेको शब्द तत्काल सभामुखज्यूको ध्यानकर्षण हुन्छ भने सत्तापक्षका माननीयज्यूले बोलेका कुरा ध्यानकर्षण भएका छैनन् । ध्यानकर्षण होस्,” उनले भनिन् ।
