गाैरीशंकर जयसवाल / परासी । पश्चिम नवलपरासीमा प्रहरीले लागू औषधसहित एक जना नियन्त्रणमा लिएकाे छ ।रामग्राम नगरपालिकाकाे वडान ९ मधवलियाबाट लागू औषधसहित एक जना प्रहरीले नियन्त्रणमा लिएकाे हाे ।
पक्राउ पर्नेमा रामग्राम न.पा. वडा नं. ९ मधवलियाका ३० बर्षिय आजाद पाठकलाई लागू ओैषधसहित नियन्त्रणमा लिईएकाे जिल्ला प्रहरी कार्यालय नवलपरासीका प्रहरी नायव उपरीक्षक एवम सुचना अधिकारी रेशम बोहराले जानकारी दिए ।
उनकाे अनुसर पक्राउ गरिएकाे पाठकाे घरमा ठूलो परिमाणमा लागू औषध लुकाई छिपाई राखी बिक्री बितरण गरिरहेको भन्ने गोप्य सुचनाको आधारमा उनलाई पक्राउ गरिएको बताए ।
पाठकको घर खानतलासी गर्दा निजको २ वटा कोठा र भान्सा घरबाट लागू औषध फेला परेकाे प्रहरीले जनाएको छ ।पाठक घरबाट बुप्रिनोर्फिन ७२ एम्पुल,फेनारगन ७८ एम्पुल, डाईजेपाम ७७ एम्पुल,अनरेक्स १००ml को बोतल ६ पिस नाईट्रभेट -ट्याब्लेट १०५ पिस प्राेसिकाे ईस्पास क्याप्सुल ५१० पिस एसपिएम पिआरएक्सटि ७५ पिस एनशिल को सिम थान १ सहितको INFINIX लेखेको स्क्रिन टच मोबाईल थान बरामद गरिएको प्रहरी नायव उपरीक्षक बाेहराले जानकारी दिए ।
लागू औषध सम्वन्धि कसुर शिर्षकमा मुद्धा दर्ता भई सम्मानित जिल्ला अदालत परासिबाट दिन ५ (पाँच ) म्याद थप भई अनुसन्धान भई रहेको प्रहरीले जनाएको छ ।
पक्राउ परेका आजाद पाठक मिति २०७६/०९/२६ गते लागू औषध सम्वन्धि कसुर मुद्धामा पक्राउ परि जिल्ला अदालत परासीको फैसला बमोजिम ३ वर्ष कैद भुक्तान गरि मिति २०७९/०९/२६ गते कारागारबाट छुटेका थिए ।
लागू औषध (नियन्त्रण) ऐन, २०३३ को दफा १४ `झ´ अनुसार उल्लेखित कसुर गर्ने कसुरदारलाई दुई वर्ष देखि दश वर्षसम्म कैद र एक लाख रुपैयाँ देखि बीस लाख रुपैयाँसम्म जरिवाना हुने छ ।
