सुर्खेत । दैलेखमा पहिरोमा पुरिएर एक जनाको मृत्यु भएको छ । जिल्लाको ठाँटिकाँध गाउँपालिका-२, पिपलचौतार नजिक आएको पहिरोमा पुरिएर एक जनाको मृत्यु भएको छ ।
घर नजिकै सडकमाथिबाट आएको पहिरोले पुरिएर अन्दाजी ४० वर्षीय शेरबहादुर बमको मृत्यु जिल्ला प्रहरी कार्यालय दैलेखले जनाएको छ । जिल्ला प्रहरी कार्यालय दैलेखका अुनसार बुधबार दिउँसो साढे ४ बजेको समयमा घटना घटेको हो । यस्तै, पहिरोमा परि शेरबहादुरका तीन वर्षीय नाति घाइते भएका छन् ।
जिल्ला प्रहरी कार्यालय दैलेखका सुचना अधिकारी प्रहरी निरीक्षक दिपक मगरातीले मृतक बमका तीन वर्षीय नातिको अवस्था सामान्य रहेको जानकारी दिए ।
