बुटवल । लुम्बिनी प्रदेशसभाको आठौँ अधिवेशनअन्तर्गत ११औँ बैठक बुधबार दिउँसो १ बजे बस्ने भएको छ । बैठकमा राजश्व तथा व्ययको वार्षिक अनुमानमाथिको सैद्धान्तिक छलफलदेखि विधेयकसम्बन्धी कार्यसूची रहेका छन् ।
बैठकमा प्रदेशसभा सदस्यहरूले आगामी आर्थिक वर्षको ‘राजश्व र व्ययको वार्षिक अनुमान’माथि सैद्धान्तिक छलफलमा भाग लिने कार्यक्रम छ ।
छलफलका क्रममा उठ्ने प्रश्नहरूको जवाफ लुम्बिनी प्रदेशका आर्थिक मामिला तथा योजनामन्त्री धनेन्द्र कार्कीले दिने कार्यक्रम रहेको प्रदेशसभा सचिवालयले जनाएको छ ।
nabil
त्यसैगरी मन्त्री कार्कीले ‘विनियोजन विधेयक’ प्रदेशसभामा औपचारिक रूपमा पेस गर्ने कार्यसूची तय भएको छ ।
बैठकमा सामाजिक विकासमन्त्री जन्मजय तिमिल्सिनाले ‘थारु समुदायका प्रथाजनित परम्परासम्बन्धी विधेयक’ समितिमा पठाउने प्रस्ताव पेस गर्ने कार्यसूची छ ।
