काभ्रेपालाञ्चोक । राष्ट्रिय स्वतन्त्र पार्टीका सभापति रवि लामिछाने र उपसभापति एवं अर्थमन्त्री स्वर्णिम वाग्ले काभ्रेपलाञ्चोकको धुलिखेल ११ मा रहेको दुषित थानी हिमालयन रिसोर्टबाट फर्किएका छन् ।
पत्नि निकितासहित पुगेका लामिछाने र छुट्टै रिसोर्ट पुगेका अर्थमन्त्री वाग्ले केहिबेरअघि होटलबाट निस्किएका हुन् । सुरक्षा श्रोतका अनुसार उनीहरु काठमाडौं फर्किरहेका छन् ।
शनिबार दिउँसो ३ बजे अर्थमन्त्री वाग्ले रिसोर्ट प्रवेश गरेका थिए भने त्यसको केहि समयपछि पत्नि निकितासहित सभापति दिउँसो ३ : २० बजे पुगेका थिए । उनीहरू उपसभापति एवं अर्थमन्त्री बाग्लेकै लगानी रहेको आफ्नै भिल्लामा बसेका थिए ।
पछिल्लो समय सरकार र पार्टीको तालमेलको विषयमा चर्चा सुरु भएपछि पार्टी सभापति लामिछाने र उपसभापति एवं अर्थमन्त्री वाग्लेको भेटलाई अर्थपूर्ण रुपमा हेरिएको छ ।
