काठमाण्डौ । अबका केही दिन रातिको समयमा मुसल्धारे वर्षा हुने सम्भावना रहेको मौसम पूर्वानुमान महाशाखाले जनाएको छ । गएराति पनि काठमाण्डौ उपत्यकासहित बागमती र गण्डकी प्रदेशका केही ठाउँमा मुसल्धारे पानी परेको थियो । आउँदो बुधवारसम्म विभिन्न ठाउँमा राति मुसल्धारे पानी पर्ने सम्भावना रहेको महाशाखाकी मौसमविद् विनु महर्जनले जानकारी दिइन ।
उनका अनुसार आज र भोलि पूर्वी र मध्य तथा मंगलवार र बुधवार पश्चिमी क्षेत्रमा मुसल्धारे वर्षाको सम्भावना धेरै छ । अहिले मनसुन न्यून चापीय रेखा सरदर स्थान आसपासमै रहे पनि मनसुनी गतिबिधि भने थप सक्रिय बन्ने देखिएको मौसमविद् महर्जनले बताइन ।
आज राति कोशी, बागमती, गण्डकी र सुदूरपश्चिम प्रदेशका एक/दुई ठाउँमा मुसल्धारे वर्षाको सम्भावना रहेको महाशाले निकालेको बुलेटिनमा उल्लेख छ । यसैबीच सिन्धुपाल्चोकमा पछिल्लो १२ घण्टामा धेरै वर्षा भएकोले मेलम्ची, इन्द्रावती लगायत आसपासमा नदी तटीय क्षेत्रमा दिउँसोसम्म नै सावधानी अपनाउन बाढी पूर्वानुमान् महाशाखाले अनुरोध गरेको छ ।
