बुटवल । नेपाली कांग्रेस रुपन्देही क्षेत्र नम्बर २ को क्षेत्रीय सभापतिमा युवा नेता प्रजापाल गिरी निर्वाचित भएका छन् ।
बिहीबार भएको मतदानमा गिरीले ४८५ मत प्राप्त गर्दै विजयी भएका हुन् । उनका प्रतिस्पर्धी प्रशन्न कोइरालाले ३२८ मत प्राप्त गरे ।
गिरी यसअघि पनि क्षेत्रीय सभापतिको जिम्मेवारीमा थिए । उनी दोस्रो कार्यकालका लागि क्षेत्रीय सभापतिमा निर्वाचित भएका हुन् ।
यस्तै, क्षेत्रीय सचिवमा छाया पोखरेल ४५९ मतसहित विजयी भएकी छन् । सहसचिवमा मोहन बस्यालले ४२० मत प्राप्त गरी विजयी हुँदा महिला सहसचिवमा गीता अधिकारी ३८९ मतसहित निर्वाचित भएकी छन् ।
