बुटवल । रुपन्देही देवदहकी गायीका शोभा पाण्डे र रोशनसिंह क्षेत्रीको युगल आवाजको म्युजिक भिडियो सार्वजनिक भएको छ । मायै गरि गरि बोलको गीतमा डा. कृष्णहरी बरालको शब्द तथा गैरे सुरेशको संगित रहेको छ।
गीतको एरेन्ज, मिक्सिङ तथा मास्टरिङ नरेन्द्र वियोगीले गरेका छन् । म्युजिक भिडियोमा रमेश पाठक र शिला गजुरेलले अभिनय गरेका छन् । ओम प्रसाईंको क्यामेरा तथा रोशनसिंह क्षेत्रीको निर्देशनमा भिडियो तयार भएको छ । गीतमा मायालु जोडिको प्रेमलाई समेटीएको छ भने म्युजिक भिडियो समेत आकर्षक बनेको छ ।
जिन्दगी माया गरि गरि बिताईदिँउ कि ? भन्ने अभिव्यक्तिलाई शब्द , स्वार तथा अभिनयबाट पूणर्ता दिईएको छ । गीतको अन्तरामा पुग्दा प्रेमको उत्कर्षले जिन्दगी मायै माया गरि बिताउने कुरालाई निणर्यको रुपमा प्रस्तुत गरिएको छ ।
गीतमा संसार छक्कै पार्ने माया गर्ने दाबीलाई समेत गायीका शोभाको स्वारमा सुन्न सकिन्छ । शोभाको यस अघि मात्रै तीज गित हरदिन पुजा गर्छु म बोलको गित चर्चित रहेको छ । गायीका सोभाले हरेक वर्ष तीजमा गीत बजारमा ल्याउनुका साथै सोलो एल्बम समेत बजारमा ल्याएकी छन् । उनको पहिलो सोलो एल्बम शंका हो भने दोस्रो घायल हो ।
संगितबाट एमफिल गर्दै गरेकी शोभाले जिनिएस म्युजिक अर्वार्डमा लोक आधुनिक विधामा जुरी अवार्ड प्राप्त गरेकी थिईन् ।
