बर्दिया । बर्दिया जिल्ला पर्यटनकाे दृष्टिकोणले राष्ट्रिय अन्तर्राष्ट्रिय हव बनेकाे लुम्बिनी प्रदेशका मुख्यमन्त्री चेतनारायण आचार्यले बताएका छन् ।
बर्दिया राष्ट्रिय निकुञ्जले संरक्षणकाे क्षेत्रमा महत्त्वपूर्ण याेग्दान पुर्याएकाे, बाघ, हात्ती, गैडा लगायतका दुर्लभ बन्यजन्तु अवलाेकनकाे राष्ट्रिय अन्तर्राष्ट्रिय गन्तव्य बन्न सफल भएको बताउनु भयाे । अझै बर्दियालाई विश्व जगतमा ब्राण्डिङ्ग गर्न प्रदेश सरकारले पहल लिने बताए । बर्दियालाई धार्मिक, सांस्कृतिक दृष्टिकोणले समेत स्थापित गर्न सकिने बताए ।
बर्दियाको जिल्लाको पवित्र तिर्थ स्थल ठाकुर बाबा मन्दिरकाे अवलाेकन गर्दै आचार्यले साे कुरा बताए ।`यहाँकाे पर्यटन क्षेत्रलाई थप उचाइमा पुर्याउन सरकारले बनाउने पर्यटन सर्किटमा जाेड्छाैं´उनले भने `लुम्बिनीमा आउने पर्यटकलाई बर्दिया राष्ट्रिय निकुञ्जमा ल्याउने, धेरै समय अडिनेगरी प्याकेज बनाउनेगरी काम भइरहेको छ । पर्यटनकाे विकासले समग्र लुम्बिनीकाे विकासमा टेवा पुर्याउछ ।´
बर्दिया जिल्लाकाे समग्र विकासका लागि प्रदेश सरकारले याेजना तथा बजेटमा प्राथमिकतामा पार्ने प्रतिबद्धता व्यक्त गरे । चालू आर्थिक बर्षमा प्रदेश सरकारले बर्दिया जिल्लामा एक अर्ब बढी बजेट विनियोजन गरेकाे छ । बर्दियाकाे रैथाने कृषि बालि प्रबर्द्धनमा समेत सरकारले प्राथमिकतामा राखेकाे हाे ।
