बिरेनुनमा प्रशस्त मात्रामा सल्फर, आइरनलगायत शरीरलाई आवश्यक खनिज तत्व हुन्छन् । जसका कारण मोटोपना, खराब कोलस्ट्रोल, श्वासप्रश्वाससम्बन्धी समस्याबाट बचाउने काम गर्छ ।
त्यस्तै, यसको सेवनले मधुमेह, आर्थराइटिस, प्यारालाइसिस, रक्तअल्पता एनिमिया, रक्तश्राव, कपाल झर्ने, जोर्नी दुख्ने र आन्द्रासम्बन्धी समस्यालाई पनि नियन्त्रण गर्नमा भूमिका खेल्छ । बिरेनुनलाई जुनसुकै तरिकाले पनि प्रयोग गर्न सकिन्छ । प्राकृतिक बिरेनुनले खानालाई सुरक्षित राख्ने काम गर्छ । यसलाई टेबुल साल्टका रूपमा वा साँध्ने खालका खानामा सोझै प्रयोग गर्न सकिन्छ । यसलाई पानीमा मिसाएर पनि प्रयोग गर्न सकिन्छ ।
यस्ता छन् बिरेनुन खानुका फाइदाहरु
–पाचन प्रक्रियामा सुधार ल्याउँछ ।
–सजिलै शरीरमा समायोजन हुनसक्ने भएकाले यसले डिहाइड्रेसनबाट बचाउँछ ।
–शरीरमा पानीको मात्रा पूर्ति गर्नुका साथै स्फूर्ति ल्याउन भूमिका खेल्छ ।
–शरीरमा एसिड तथा फोस्फोरसको मात्रालाई सन्तुलनमा ल्याउँछ ।
–छाला चाउरिन पाउँदैन, खटिरा तथा डन्डिफोर पनि आउन दिँदैन साथै छाला चिलाएको तथा एलर्जी निको पार्छ ।
–श्वासप्रश्वाससम्बन्धी समस्या हुनेलाई बिरेनुनको प्रयोग अति लाभदायक हुन्छ ।
–टाउकोको कोषिकालाई पुनर्जीवित बनाउनुका साथै एकाग्रतामा सुधार ल्याउँछ ।
–हड्डी बलियो बनाउन मद्दत पु¥याउँछ ।
–मांसपेशीलाई बलियो बनाउँछ ।
–पिनास, घाँटी दुखेको तथा दम रोगमा यसको धुलो सुँघेमा रोग निको हुन्छ ।
–रगतलाई सफा पार्नुका साथै शरीरमा विषादी प्रवेश गर्न दिँदैन ।
–पाठेघरसम्बन्धी समस्या समाधान गर्छ ।
–जोर्नीजन्य समस्या र शरीर सुन्निएको ठीक गर्छ ।
