भैरहवा । रुपन्देही पुल तथा स्नुकर संघको आयोजनामा भैरहवामा जारी आठौंं रुपन्देही जिल्ला स्तरिय स्नुकर प्रतियोगिता अन्तर्गत पहिलो चरणका खेलहरु सम्पन्न भएका छन् । भैरहवास्थित क्रेजि क्यु क्लब हाउसमा जारी प्रतियोगितामा सोमबारसम्म पहिलो चरणका खेलहरु सम्पन्न हुंदा ६४ जना खेलाडीहरु बाहिरिएका छन् । प्रतियोेगितामा १२८ जना खेलाडीहरुले भाग लिएकामा मंगलबारदेखि दोस्रो चरणका खेलमा ६४ जना खेलाडीहरुले प्रतिस्पर्धा गर्ने संघका सल्लाहकार तथा खेल संयोजक विजय थापाले जानकारी दिए ।
यसअघि संघको आयोजनामा सात वटा जिल्लास्तरीय प्रतियोगिता बुटवलमा भइसकेकामा यसपटक भैरहवामा आयोजित प्रतियोगिताले भैरहवा क्षेत्रका खेलाडीहरुमा उत्साह बढेको संघका अध्यक्ष सुजन पुनले बताए
प्रतियोगिताको उपाधि विजेताले नगद ६१ हजार रुपैया, तथा उपविजेताले नगद २५ हजार रुपैया, कप, मेडल, प्रमाणपत्रबाट पुरस्कृत गरिने छ । यसैगरि सार्वधिक ब्रेकरले नगद १० हजार रुपैया, कपबाट पुरस्कृत गरिने खेल संयोजक थापाले बताए । प्रतियोगिता करिब एक हप्तासम्म चल्ने छ ।
