भैरहवा । भैरहवामा जारी आठौंं रुपन्देही जिल्ला स्तरिय स्नुकर प्रतियोगिता अन्तर्गत दोस्रो चरणका खेलहरु बुधबार सम्पन्न भएका छन् । भैरहवास्थित क्रेजि क्यु क्लब हाउसमा जारी प्रतियोगितामा मंगलबार र बुधबार दोस्रो चरणका खेलहरु भएका हुन् ।
१२८ जना खेलाडीहरुले भाग लिएको प्रतियोगितामा २६ जना तेस्रो चरणमा प्रवेश गरेका छन् । प्रतियोेगितामा बिहीबारदेखि तेस्रो चरणका खेलहरु हुने संघका सल्लाहकार तथा खेल संयोजक विजय थापाले जानकारी दिए ।
तेस्रो चरणमा प्रवेश गर्ने खेलाडीहरुमा अशोक चौरसिया, ,आशिक थापा, बासु प्रधान, प्रमोद थैब, कृष्ण कुवर, अमीर गौचन, कुनाल श्रेष्ठ, कुमार थापा, संजय बज्राचार्य , सुरज माकाजु, कसिस क्षेत्री, आदर्श भण्डारी, सुजन थापा, सागर गाहा रहेका छन् । यस्तै वसन्त रेशमी, अनिश थापा, विवेक विक, रेशम राना, रुकु खान, सरजु भट्टराई, सञ्जय कार्की , शिशिर थापा , सुदिप पौडेल , सम्बन्ध विक, मुकेश क्षेत्री , प्रकाश कोइराला र शने पनि तेस्रो चरणमा प्रवेश गरेका खेल संयाजक विजय थापाले बताए ।
प्रतियोगिताको उपाधि विजेताले नगद ६१ हजार रुपैया, तथा उपविजेताले नगद २५ हजार रुपैया, कप, मेडल, प्रमाणपत्रबाट पुरस्कृत गरिने छ । यसैगरि सार्वधिक ब्रेकरले नगद १० हजार रुपैया, कपबाट पुरस्कृत गरिने खेल संयोजक थापाले बताए ।
यसअघि संघको आयोजनामा सात वटा जिल्लास्तरीय प्रतियोगिता बुटवलमा भइसकेकामा यसपटक भैरहवामा आयोजित प्रतियोगिताले भैरहवा क्षेत्रका खेलाडीहरुमा उत्साह बढेको संघका अध्यक्ष सुजन पुनले बताए
