काठमाडौं । मन्त्रिपरिषद्को बैठक आज बस्दै छ । बैठक प्रधानमन्त्रीको सरकारी निवास बालुवाटारमा बिहान ९ बजे बस्नेछ ।
पूर्वसभामुख दमननाथ ढुंगानाको राजकीय सम्मानसहित अन्त्येष्टि गर्ने प्रस्तावबारे बैठकमा छलफल हुनेछ ।
ढुंगानाको अन्त्येष्टि राजकीय सम्मानसहित गर्न सभामुख देवराज घिमिरेले सुझाव दिएका छन् । यसबारे बैठकमा छलफल हुन लागेको हो ।
८३ वर्षको उमेरमा आइतबार ढुंगानाको निधन भएको थियो । हिन्दु संस्कारअनुसार आज उनको अन्तिम संस्कार गरिँदै छ ।
