बुटवल । चलचित्र ‘पूजा सर : राजागंज’को पोस्टर सार्वजनिक गरिएको छ । चैत १ गते नेपालमा रिलिज हुने चलचित्रको पोस्टर आज सार्वजनिक गरिएको हो ।
पोस्टरमा चलचित्रका मुख्य कलाकार दयाहाङ राई, आशा मगराती, विजय बराल र निकिता चाण्डक छन् ।
‘पूजा सर : राजागंज’लाई दीपक रौनियारले निर्देशन गरेका छन् । निर्देशक रामबाबु गुरुङ यो चलचित्रका निर्माता हुन् ।
यो चलचित्रमा दयाहाङ, आशा, विजय र निकितासँगै ऋचा शर्मा, पशुपति राई, गौमाया गुरुङ, घनश्याम मिश्रा, आरती मण्डल तथा पुष्पा यादवको पनि अभिनय रहेको निर्माणपक्षले जनाएको छ ।
