बुटवल । नेकपा (एकीकृत समाजवादी) रूपन्देहीको जिल्ला अधिवेशनको तयारी तिव्र पारिएको छ ।चैत ९ र १० गते तय भएको जिल्ला अधिवेशनका लागि जिल्ला अधिवेशन मुल आयोजक कमिटीको सचिवालय बैठक बसि आवश्यक तयारी गरेको हो ।
बैठकले जिल्ला कमिटी ५१ सदस्यीय बनाउन अधिवेशनमा प्रस्ताव लगिने, अधिवेशनका अन्य आवश्यक तयारी गर्ने निर्णय गरेको छ । साथै अधिवेशनबारे चैत ७ गते पत्रकार सम्मेलन गर्ने निर्णय कार्यवाहक अध्यक्ष श्रीराम यादवले बताए ।
पार्टीका पोलिटब्यूरो सदस्य नन्दलाल बञ्जाडेको प्रमुख आतिथ्यतामा बसेको बैठकमा केन्द्रीय सदस्य भवगती घिमिरे र बाबुलाल यादवको सहभागिता रहेको उपसचिव टंक पोखरेलले जानकारी दिए ।
बैठकमा पाँचवटा उपसमितिका संयोजकहरूले प्रगति विवरण पेश गरेका थिए ।
